فتاه لا تعرف المستحيل البارت١٧

امل بحزن: بنتي فين ي عصام بقالها شهر معرفش عنها حاجه
عصام بحنق: بقولك اي متجبيش سيرة بنتك تاني واقفلي ع الموضوع دا انا معرفش عنها حاجه
امل ضربته ب القلم: بنتي لو جرالها حاجه انا هقتلك ي عصام
عصام اتنرفز: انتي بتمدي ايدك عليا انا 
امل بغضب: وهكسر عضمك انت هتنسى نفسك ولا اي دا انا عمتك يلا 
عبدالرحمن: ف اي ي امل
عصام بغضب: الست اختك بتضربني انا ب القلم هيا فاكره نفسها مين
عبدالرحمن ضربه ب القلم: احترم نفسك وانت بتكلم عمتك عيب كدا ي خسارة تربيتي فيك صحيح هو انت هتجيبه م برا ما انت ابن سوزان
عصام بصلو والغضب ف عينه ومشى 
امل: ي خساره بجد
عبدالرحمن: فعلا اثبتلي ان هو ابن سوزان ي خساره
امل بحزن: ربنا يهديه
عبدالرحمن: يارب
ف قصر الشرقاوي
هند بقت بنتهم وبيعملوها حلو هيا وبنتها دارين وبقو صحابها بس لسه مش عارين سبب طلاقها ومش راضيين يضغطو عليها 
حنين مامت حازم: ي هند
هند: ايوا ي ماما
حنين : يلا ي حببتي عشان تاكلي 
هند :حاضر ي ماما بس هرضع دارين الاول
حنين: ي بنتي لازم تاكلي الاول عشان الاكل اللي بتاكليه بيغذيها يلا تعالي كولي واسمعي الكلام
هند: حاضر ي ماما
محمد والد حازم: اسمعي الكلام ي هند
هند بضحكة طفوليه:حاضر ي بابا
محمد: النهارده عندي شغل كتير
هند: شغل اي ي بابا انت لازم ترتاح انا موجوده اهو اشيل عنك
محمد: ي حببتي تسلميلي انا عارف انك لسه مبتداه ف الشغل معانا اه علفكرا ي هند ف صفقه مهمه 
هند: صفقة اي دي ي بالا
محمد: صفقة هتم بين شركتي وشركة عصام السعدني
هند وقع منها الكوبايه واتكسرت
محمد: خير ي حببتي ف اي
هند والدموع ف عيونها: مفيش ي بابا
محمد: ع بابا بردو
هند: انت قولت الصفقه دي مع مين
محمد: مع عصام السعدني
هند مسحت دموعها: طب ي بابا ممكن اطلب منك خدمه
محمد: ايوا ي حببتي
هند: بس بالله عليك متكسفنيش
محمد: وانا م امتى بكسفك ي هند ربي عالم انك ف معزت بنتي واكتر
هند: بص ي بابا انا عاوزه اتم انا الصفقه مع عصام
محمد: مش فاهم
هند: هفهمك
محمد: ها ي حببتي
هند: انا عاوزه امسك الشركة بتاعتك
محمد بصدمه: نعم
هند: متتصدمش كدا دا لسبب انا مش عوزاها باسمي والجو دا
محمد: اومال عوزاها ازاي
هند: هفهمك
محمد: فهميني
هند: عاوزه اكون مديرة الشركة وكل الشركة تعرف ان الشركة دي بتاعتي وباسمي بس الكلام دا وهمي يعني التصرف تصرفك انت وهتبقا كل حاجه باسمكم بس انا مجرد مدير وهمي حتى التوقيع هتبقا انت المسؤل عنه بس انا قدام عصام السعدني لازم اكون المديره
محمد: طب افهم لي اشمعنى عصام يعني
هند بثبات: لازم ارد حقي وكرامتي ي بابا
محمد: لي هو عصام عمل اي
هند : طلقني ومسبنيش ادافع عن حقي
محمد:اي دا انتي كنتي متجوزه عصام
هند: ايوا وانا بنت عمته 
محمد بصدمة: كمان دا انتي وراكي الغاز كتيره ي هند
هند: هتعرف كل حاجه ف وقتها ي بابا
محمد: طيب
هند: ها قولت اي هتساعدني اخد حقي م عصام
محمد: ماشي ي هند
هند: ربنا يخليك ليا ي بابا
محمد: بس ع شرط
هند : اشرط زي ما انت عاوز
محمد: احكيلي كل حاجه
هند: صدقني هكيلك ي بابا بس مش اليومين دول
محمد: تمام ع العموم عصام هيجي الشركة النهارده الساعه ٥
هند: تمام انا عوزاك تكيلي كل حاجه عن الصفقه دي
محمد: تمام
هند: اه وحاجه كمان عوزاك تطلع م الصوره خالص 
محمد: امرك ي ستي وانا هراقبك م الكاميرا اللي ف المكتب وعاوزك تتشجعي كدا
هند: حاضر ي بابا
محمد: ربنا ينولك مرادك ي هند
هند: يارب
محمد: يلا بقا تعالي معايا المكتب افهمك هتعملي اي
هند: ماشي
محمد: بدا يشرحلها هتعمل اي 
حازم قاطعهم
حازم: بتعملو اي ي خونه م ورايا😂
محمد: بشرح لهند هتعمل اي ف صفقة بتاعت شركة السعدني
حازم رفع حاجه: لي هيا هند اللي هنستلم الصفقه دا لسه بدري عليها تفهم حاجه زي دي
محمد: لا مش بدري ولا حاجه وتعالى افهمك
حازم: طيب
محمد بدا يشرحلو هند عاوزه كدا لي
حازم: اه كدا فهمت بس بردو ي هند احنا عاوزين نعرف اي سبب الطلاق عشان اقدر اساعدك
هند بحزن: هتعرف كل حاجه ف وقتها
حازم: تمام
ف شركة الشرقاوي
هند داخلت هيا ومحمد وقال للشركة ان هند المديره بداله لان هو معتش يقدر ع حمل الشغل عاوزكم تعملوها كويس ومحدش يزعلها
الموظفين تمام ي فندم
الساعه بقت ٤:٤٠ 
محمد: هند انا همشي بقا عشان عصام زمانو ع وصول
هند: تمام ي بابا ادعيلي
محمد: ربنا معاكي ي بنتي بس اياكي تضعفي
هند: حاضر ي بابا
محمد : ربنا يحميكي ي بنتي وبعدها سابها ومشى هند قاعده متوتره وراحت تصلي ركعتين لله عشان ربنا ينصرها وتقدر تواجه عصام م غير ما تعيط ولا ينزلها دموع 
الساعه بقت ٥:٠٠ دق مكتب هند
السكرتيره : هند هانم عصام بيه منتظر الاذن عشان يدخل
هند بجمود: دخليه واعمليو قهوه
السكرتيره : حاضر
هند لفت الكرسي وقعدت تدعي م ربنا ان يجمد قلبها وتضعفش
عصام: انا جيت ي محمد بيه يلا نتفق ع الصفقه
هند فضلت مديالو ظهرها اكتر م ٥ دقايق
عصام: محمد بيه مبتردش عليا ليه
هند لفت الكرسي وبصتلو بثقه: انا مش محمد بيه ي استاذ عصام انا هند هانم صحبة الشركة
عصام بصدمة: انتي
هند: مفاجاه مش كدا
عصام بغضب: انتي بتعملي اي هنا ي بت انتي
هند متحديه واشارت بسبابتها نحيته: احترم نفسك وانت ف مكتبي ي عصام
عصام بغضب: مكتبك ازاي 
هند: ابدا صاحب الشركة الاستاذ محمد معتش يقدر ع الشغل واتنازلي عن الشركة لاني براعيه واهتم بيه لان بيعتبرني زي بنته بظبط
عصام بغضب: وياترى ادتيلو اي ي هند ها ادتيلو اي
هند بثقه: اديتو اهتمام البنت بابوها اديتو حنان البنت لابوها شافني بنتو وصحبتو واهتم بيا وخدني ف حضنه ف الوقت اللي انت فيه ي استاذ عصام ياللي كنت جوزي رمتني ف الشارع 
عصام بغضب: متنسيش عملتك ي مدام ولا تحبي افكرك
هند: لا منستش بس انت مصدقتنيش
عصام: اصدقك ازاي وانا بعنيا شايفك ف شقه مع راجل غريب وكنتي لابسه قميص نوم 
هند: انا مخنتكش ي عصام والله ما خنتك
عصام: انتي كدابه
هند: انا لايمكن اكدب كل الموضوع ان ف واحد اتصل بيا قالي جوزك ناس ضربته وهو عندنا ف الشقه مقدرتش امنع نفسي اني اروح هناك
عصام: اهبل انا عشان اصدق تخاريفك دي انتي كدابه 
هند: انا مش كدابه ي عصام قولتلك مره انا مش كدابه
عصام: كان نفسي متخونينيش
هند: انا مخنتكش ومحبتش حد قدك
عصام: لا كدابه
هند: قولتلك مش كدابه وبدات اصواتهم تعلى ومحمد مكنش مشى لحد ما يطمن ع هند وكان بيراقبهم م اللاب وسامع منقشتهم وراح ليهم
محمد دخل: اي ي ولاد صوتكم جايب اخر الدنيا
هند: مفيش حاجه ي بابا انا اسفه
محمد: ولا يهمك ي حببتي
عصام: بابا
محمد: ايوا انا اتبنيت هند وكتبتلها هيا وابني املاكي
عصام: ازاي تكتب لوحده زي دي املاكك ي محمد بيه دي واحده خاينه
محمد: عيب كدا ي عصام مسمحلكش هند انسانه كويسه
عصام: دي حربايه اتلونتلك وبينت انها كويسه
هند بحزن: ربنا يسامحك ي عصام
عصام: هيسامحني غصب عنك
محمد: بس ي ولاد يلا ي عصام عشان نمضي الصفقه 
عصام: انا لايمكن اشتغل مع البنت دي
محمد: بس اللي اعرفه ي عصام انك محتاج الصفقه دي وبشده لانك خسرت المناقصه اللي فاتت ولازم تعوض كل اللي خسرته
عصام حاول يهدى: ماشي ي محمد بيه
محمد: تعالى اقعد يابني
عصام راح قعد اتفضلي ي مدام دي اوراق الصفقه 
هند قعدت تبص ف الورق وزي ما شرحلها محمد هتعمل اي عملت واكتر: انا في عندي تعليق
عصام: خير
هند: الشرط الجزائي دا انا مش موافقه بيه
عصام: لي 
هند: كدا شفيفاه كبير زياده عن اللزوم 
عصام: يعني اي
هند: يعني الشرط الجزائي بدل ما يكون ٥٠ مليون هيكون ١٠ مليون ودا اللي عندي
عصام جز ع سنانه : دا اسمه استعباط
هند اشارت بسبابتها: تؤتؤ انت ف مكتبي ي عصام يعني صوتك ميعلاش والا مش هيحصلك طيب
عصام: لي هتعملي اي
هند كانت هتتكلم بس محمد قاطعها
محمد: خلاص ي ولاد معلش عديها ي هند 
هند: اسفه ي بابا لو وافق ع الشرط هديلو الصفقه لو موفقش يبقا ذنبه ع جنبه
عصام حاول يمسك اعصابه: طيب ي هند وبيتوعد ف نفسه ان هو هيربيها ويكسرها 
هند: شاطر كدا تعجبني
وبعد تعديل الصفقه محمد مضى الصفقه 
عصام: غريبه ان محمد بيه هو اللي بيمضي مش انتي
محمد رد ع الموضوع دا: هند عملالي توكيل عام وليا الحق اني امضي ع الاوراق وهيا بتدير الشركة 
عصام:اممممم قولتلي 
فاجاه دخل حازم 
حازم: انا جيت
محمد: اهلا ي حازم
حازم: ازيك ي بابا ازيك ي حبيبة قلبي وراح باس ايد هند وحشتيني اوي اوي ي قلبي بجد وحشتيني 
هند: وانت كمان ي حزومي 
حازم: انا جاي استاذنك ي بابا اخد هند حببتي خطيبتي عشان هنتفسح ونتعشى برا
محمد بضحك: خدها ي حضرت الظابط
عصام: كمان اتخطبتي
هند: ايوا اذا كان عجبك
عصام : انا اقدر ارجعك علفكرا
هند: انت نسيت ي استاذ عصام انك طلقتني طلاق بيين يعني لازم تكتب عليا م تاني وانا مش هوافق لان حازم بيحبني وبيموت فيا 
عصام شاط غضب منها ومن اسلوبها وبيتوعدلها: ان ما وريتك ي هند 
حازم: يلا ي حببتي عشان نزوح البيت ناخد دارين ونشتريلها حاجات كتيره
هند بمياعه ودلع عناد ف عصام: اوك ي حبيبي يلا بين ومسكت ف ايده
عصام شاط غضب ما هو لسه بيحبها بس خيانتها ماثره فيه
هند: باي ي بابا
محمد: باي ي حبيبة بابا
عصام استشاط غضب 
محمد لاحظ دا عليه: مجانين الاتنين دول اوي ي عصام ربنا يتممها ع خير
عصام:هاه طب استاذن انا
محمد: اذنك معاك ومشى عصام
محمد مسك الفون: ايوا ي حازم عصام نزل
حازم: ماشي ي بابا
فلاش باك
هند اتصلت بحازم : الو ايوا ي حازم
حازم : ايوا ي هند ازيك
هند: انا تمام عوزاك ف خدمه
حازم: ايوا قولي
هند:انا عاوزه منك تيجي الشركة لما عصام يجي وتبين ليه انك خطيبي وبتموت فيا وتاخدني تفسحني وهو لو لسه بيحبني هيجي ورانا 
حازم : تمام ي هند بس انتي ناويه ع اي
هند: ناويه اربيه وعوزاك تساعدني ف ان حقي يرجع
حازم: ماشي بس لازم اعرف اي اللي خصل عشان اقدر اساعدك
هند :هحكيلك بس مش دلوقتي
حازم: ماشي ي هند اما نشوف اي اخرتها اي معاكي 
هند بابتسامة رضا : اخرتها خير ان شاء الله
حازم: اما نشوف ي هند 
هند: ماشي يلا بقا متنساش
حازم: حاضر
هند:سلام
حازم :سلام
حازم شافه نازل م الشركة: وبدا يسوق
عصام شافهم وركب عربيته وطلع وراهم وساق بيحيث انهم ميشفهوش بس هند شافته وعملت عبيطه
هند: نروح نجيب دارين الاول ي حازم
حازم: تمام 
هند: اهو جاي ورانا 
حازم: عارف شفته علفكرا ي هند
هند: ها ي حازم
حازم:  انا رتبت جو رومانسي بحيث لو كمل ورانا نبين ليه ان احنا بنحب بعض جامد
هند: برافو عليك ي حازم بجد شابو ليك
حازم: ع اي بس دا واجبي ي بنتي الله
هند: حبيب اختك 
حازم: قلبي يارب
هند: بقولك اي 
حازم: اي 
هند: هو مراقبنا لسه
حازم: ايوا وباينه شايط
هند: طيب هطلب طلب بس متفمش غلط
حازم: واي اللي يخليني افهم غلط بس
هند: اصل هعمل حركة استفز بيها عصام
حازم: اي هيا 
هند قربت م حازم جامد ونامت ع كتفه : هيا دي بس متفهمنيش غلط
حازم  اول اما عملت كدا قلبه دق بسرعه هو مينكرش ان هو م يوم ما شفها وهو معجب بيها ومستني عدتها تخلص عشان يتجوزها لان هو عمل تحريات عنها وعرف ان هيا مظلومه بس مستني منها انها تحكيلو بنفسها : لا ي هند انا عمري ما هفهمك غلط
عصام لما شاف المنظر دا نار قادت فيه وولع : والله لاولع فيكي ي هند بس اصبري عليا لا وكمان نايمه ع كتفه طيب ي هند 
حازم: صحبك شكله شايط 
هند: بجد 
حازم :ايوا 
هند: هعمل حركه جرياه 
حازم: خير اي اخر حركاتك
هند باسته م خده واتعمدت تطول ف البوسه
حازم قلبه دق ع اخره: ي بنت المجانين
عند عصام ف العربيه: ي بنت ال**** ماشي ي هند بتبوسيه والله لاولع فيكي وفي اهلك ي بنت الفقراء
حازم اتصل ب الداده هناء:الو ي داده لبسي دارين انا قدامي ربع ساعه واكون ف البيت انا وهند
الداده هناء: حاضر يابني
بعد مرور ربع ساعه الداده هناء طلعت دارين ليهم ب العربيه اللي بتتحط فيها وبعدها طلعو ع مطعم فاخر وعصام كان مراقبهم 
ف المطعم
هند لقت المكان كلو بلالين وجو رومانسي بجد يخطف العقل عصام راقب الموقف وكان شايط وحازم اخد بالو ان هو مراقبهم
حازم نزل ع رجله: تقبلي ترقصي معايا
هند: ايوا
حازم اخدها وبداو يرقصو بسلاسه 
حازم قرب م ودنها وقالها: علفكرا عصام مراقبنا
هند: خليه يرقبنا
حازم: متزعليش م الحركة دي 
هند: حركة اي 
حازم شالها وقعد يدوخها
هند: يخربيتك ي عصام
حازم: قلبي هو انتي اللي بس مجنونه
وبعدها بصو لبعض وحازم مقدرش يمنع نفسه يخطف منها بوسه م شفايفها وهند فضلت متنحه ليه وهو بيوسها وغمضت عنيها واندمجت غصب عنها
حازم بعد: انا اسف بجد بس كان لازم اعمل كدا عشان عصام مراقبنا وشايط ع اخره
هند: شكلك هتنضرب منو علقه النهارده
حازم : ميقدرش ي حبيب اخوكي يعملها
بتمنى يعجبكم 
نورا عوض انتظرو القادم وربنا يستر😂